प्रशांत दामले यांचे पंढरपूरात स्वागत.

 

पंढरपूर येथे सुप्रसिध्द नाट्य अभिनेते श्री प्रशांत दामले यांचा आखिल भारतीय मराठी नाट्य परिषदेच्या वतीने पंढरपूर संघाचे अध्यक्ष डॉ मंदार सोनवणे यांनी पुष्पहार, शाल,श्रीफळ परिधान करून स्वागत केले.

यावेळी  सुप्रसिध्द अभिनेत्री वर्षा उसगावकर, सोलापूर येथील श्री प्रशांत बडवे आदी मान्यवर उपस्थित होते. पंढरपूर येथे काल प्रशांत दामले यांच्या, सारखं कसतरी होतेय,या तुफान विनोदी नाटकाचा प्रयोग तनपुरे महाराज मठात, सादर करण्यात आला, श्री प्रशांत दामले हे नाटकाच्या दौऱ्यासाठी यापूर्वी अनेकदा पंढरपूर येथे येऊन गेले आहेत.

प्रशांत दामले व वर्षा उसगावकर यांनी प्रयोगाच्या आधी श्री विठ्ठल रुक्मिणी मंदिरात जाऊन दर्शन घेतले. पंढरपूर येथील नाट्यरसिक हे दर्दी व जाणकार आहेत. इथे प्रयोग करायला मला नेहमी आवडते असे प्रशांत दामले म्हणाले. पंढरीत यापूर्वी प्रशांत दामले यांच्या,गेला माधव कुणीकडे,ब्रह्मचारी, एका लग्नाची गोष्ट, जादू तेरी नजर, हाय काय, नाय काय आदी गाजलेल्या नाटकांचे प्रयोग गाजले होते.