पंढरपूर (प्रतिनिधी)पंढरपूर येथे चंद्रभागा नदीच्या वाळवंटात गुरुवार दिनांक ४ मे रोजी श्री संत तुकाराम महाराज यांचे वंशज देहुकर घराण्याच्या परंपरे नुसार कीर्तन करून भगवान श्री नृसिंह जयंती साजरी करण्यात आली.
वारकरी संप्रदाय मध्ये जे पाच मुख्य पर्वकाळ मानले जातात व यादिवशी एकादशी प्रमाणेच उपवास केले जातात.
श्री संत तुकाराम महाराज यांचे वंशज श्री गुरु भाऊसाहेब महाराज देहूकर यांनी हा नियम चालू केला असून आजतागायत तो अव्याहत चालू आहे.
भगवान श्री नृसिंह अवतार संध्या समयी असल्याने सायंकाळी ५ ते ७ श्री ह भ प हरिप्रसाद बाळासाहेब महाराज देहुकर यांचे कीर्तन झाले. अशी माहिती ह भ प डॉ महेश देहुकर यांनी दिली.
भगवान श्री नृसिंह जयंती साजरी झाल्यावर सुंठवडा प्रसाद वाटप करण्यात आला. पंढरपूर शहरात काल विविध मंदिरे,मठ याठिकाणी श्री नृसिंह जयंती साजरी करण्यात आली.
0 Comments