पंढरपुर शहर पोलीस ठाणे सोलापुर ग्रामीण,सहा. पोलीस अधिक्षक, श्री. प्रशांत डगळे (भा.पो.से) यांनी पंढरपुर शहरातील अवैध सावकारी करणा-या ०४ इसमांना केले गजाआड

फिर्यादी इसम नामे सज्जन कलाप्पा माने रा. चळे ता. पंढरपुर यांचे पंढरपूर शहरातील टाकळी रोडवरील गजानन नगर येथे एस. के हेअर सलुन हे दुकान चालवितात फिर्यादी यांनी पंढरपुर शहरातील त्यांचे ओळखीचे खाजगी सावकार इसम नामे योगेश रमेश शिंदे रा.एल.आ.सी ऑफिस पाठीमागे पंढरपुर, अजित रामचंद्र हजारे रा. टाकळी रोड, पंढरपुर, अमोल बाबासाहेब गांजाळे रा. गोविंदपुरा, पंढरपुर व सोन्या पवार रा. गाडगेबाबा चौक जवळ, पंढरपुर यांचेकडुन फिर्यादी यांनी व्याजाने रक्कम घेतली होती सदरची रक्क्म व व्याज परत करून देखील वर नमुद बेकायदा सावकारांनी फिर्यादी यांना व्याजाने दिलेल्या पैशासाठी तगादा लावला व फिर्यादीचे मालकीची मोटारसायकल व मोबाईल हँडसेट बळजबरीने घेवुन गेले आहे .असा तक्रारी अर्ज उपविभागीय पोलीस अधिकारी पंढरपुर विभाग, पंढरपुर यांचेकडे दाखल केला होता 

त्याअनुषंगाने उपविभागीय पोलीस अधिकारी पंढरपुर यांचे पथक सोबत पंढरपुर पोलीस ठाणेचे पथक व सहाय्यक निबंधक कार्यालयाकडील अधिकारी यांनी संयुक्तपणे सदर बेकायदा सावकारांच्या घरी जावुन पंचनामे करून सावकारकी बाबतचे कागदपत्रे जसे की, कोरे चेक करारनामे, खरेदीखत व कोरे स्टॅम्प हस्तगत करून बेकायदा सावकारकी कायदयांतर्गत पंढरपुर शहर पोलीस ठाणे येथे गुन्हा दाखल केला आहे.

याबाबत सहा. पोलीस अधिक्षक, पंढरपुर यांनी पंढरपुर शहर व परिसरातील नागरिकांना आवाहन केले आहे की, अशाप्रकारे कोणीही बेकायदा सावकारकी करीत असतील तर त्याबाबत आम्हास संपर्क साधावा. तसेच खाजगी सावकार यांनी कोणताही बेकायदेशीर सावकारी व्यवसाय करून गैरकृत्य करू नये त्यांची कुठलीही गय केली जाणार नाही.

सदरची कामगीरी ही मा. पोलीस अधिक्षक श्री. अतुल कुलकर्णी, अप्पर पोलीस अधिक्षक श्री. प्रितमकुमार यावलकर, उपविभागीय पोलीस अधिकारी पंढरपूर विभाग, पंढरपूर श्री. प्रशांत डगळे (भा.पो.से), व वरिष्ठ पोलीस निरीक्षक पंढरपूर शहर पोलीस ठाणे श्री. विश्वजीत घोडके साो, यांचे मार्गदर्शनाखाली उपविभागीय पोलीस अधिकारी पंढरपुर यांचे पथकातील पोहवा गोविंद कामतकर, शिवशंकर हुलजंती, राहुल लोंढे तसेच पंढरपुर शहर पोलीस ठाणेचे सपोनि आशिष कांबळे, पोलीस उपनिरीक्षक नितीन जगताप, शहाजी मंडले, प्रसाद औटी, दिपक नवले यांनी केली आहे.