पंढरपूर येथील विधी महाविद्यालय उभारण्यासाठी विशेष लक्ष घालणार.- विशेष सरकारी वकील उज्ज्वल निकम.

 

पंढरपूर (प्रतिनिधी)पंढरपूर येथील गौतम विद्यालय येथील वसतिगृह नूतनीकरण, शाळा सुधारणा आणि संस्थेची कोर्टी रोड येथे असणाऱ्या जागेत विधी महाविद्यालय उभारण्यासाठी विशेष लक्ष घालून प्रयत्न करू असे आश्वासन विशेष सरकारी वकील उज्ज्वल निकम यांनी आज शनिवार दि १३ मे रोजी  गौतम विद्यालय येथे केले.

श्री उज्वल निकम यांची मुंबई येथील पीपल्स एज्युकेशन सोसायटीच्या ट्रस्टीपदी नियुक्ती झाल्याबद्दल त्यांचा प्रशालेच्या वतीने विशेष सत्कार करण्यात आला. यावेळी ते बोलत होते.

यावेळी व्यासपीठावर प्राचार्य यु एम मस्के,(सहसचिव पीपल्स एज्युकेशन सोसायटी.मुंबई)चंद्रशेखर कांबळे, माजी नगरसेवक श्री सुनील सर्वगौड ,मुख्याध्यापक आयुष्मान वाघमारे उपस्थित होते .

श्री निकम पुढे बोलताना म्हणाले, शिक्षण क्षेत्रात राजकारण, वाद नसावेत. पण आजकाल असे गैरप्रकार वाढतच आहेत. श्री संत गाडगे बाबा महाराज, डॉ बाबासाहेब आंबेडकर अशा महान विभूतीना गरीब व वंचित वर्गातील मुले शिक्षण घेऊन सुसंस्कृत बनवीत असे ध्येय होते. त्यांचे हे स्वप्न आपण पूर्ण करायचे आहे.बुद्धिमत्तेच्या जोरावर युवकांनी सर्व काही मिळविले पाहिजे, सामाजिक न्याय मंत्री श्री रामदास आठवले यांच्याकडे पाठपुरावा करून पंढरपूर येथील गौतम विद्यालय वसतिगृह नूतनीकरण व  कराड रोड येथील लॉ कॉलेज उभारणीसाठी प्रयत्न केले जातील, असे श्री निकम म्हणाले,

यावेळी विधीज्ञ किर्तीपाल सर्वगौड, महेश तेंडुलकर, अरविंद कांबळे, मिलिंद डिंगरे,विधीज्ञ प्रमोद सागडे आदी मान्यवर उपस्थित होते.