अर्जुनराव चव्हाण यांचे समाजासाठी असलेले कार्य प्रेरणादायी : रामभाऊ वाकडे

मंगळवेढा ;

मराठा समाजातील प्रत्येक व्यक्तीसाठी झटत असलेले अर्जूनराव चव्हाण यांचे कार्य समाजासाठी प्रेरणादायी असल्याचे गौरवोद्गार मराठा महासंघाचे मार्गदर्शक रामभाऊ वाकडे यांनी केले आहे.

अखिल भारतीय मराठा महासंघाचे जिल्हाध्यक्ष अर्जुनराव चव्हाण यांच्या वाढदिवसानिमित्त शिवप्रेमी चौकात आयोजित केलेल्या कार्यक्रमात ते बोलत होते.

याप्रसंगी जिल्हा मध्यवर्ती बँकेचे संचालक बबनराव आवताडे, महिला जिल्हाध्यक्षा गायकवाड, अँड.प्राजक्ता शिंदे, दामाजीचे संचालक मुरलीधर दत्तू, पक्षनेते अजित जगताप, माजी नगरसेवक चंद्रशेखर कोंडुभैरी, दामाजी कारखान्याचे माजी संचालक राजेंद्र सुरवसे, माजी मुख्याध्यापक ज्ञानेश्वर फुगारे, सतीश दत्तू, शिवाजी वाकडे, शिवाजी मोरे, शेखर इंगळे, शिवाजी जावळे आदीजन उपस्थित होते.

रामभाऊ वाकडे पुढे बोलताना म्हणाले की, मंगळवेढा ग्रामीण भागात सर्व ठिकाणी मराठा महासंघाच्या शाखा उद्घाटन करून तरुण पिढीसाठी योगदान दिले जात आहे. आमच्या काळात मराठा महासंघाच्या माध्यमातून दोन पतसंस्था सुरू करून मराठा समाजाला गोरगरीबांना कर्ज उपलब्ध करून दिली. 

आज राजमाता अर्बन बँक, लोकमंगल या बँकेच्या वतीने कर्ज उपलब्ध करुन देत असल्यामुळे तरुणांनी उद्योग धंदे सुरू करण्यासाठी अर्जुनराव चव्हाण हे पुढाकार घेत आहेत.

कृषी उत्पन्न बाजार समितीचे माजी सभापती सोमनाथ आवताडे म्हणाले, मराठा समाजातील तरुण पिढीच्या पाठीमागे खंबीरपणे उभे राहण्यासाठी अर्जुनराव चव्हाण हे काम करत आहेत. स्वतःच्या पायावर तरुण उभा राहिला पाहिजे यासाठी ते सतत झटत असल्याचे त्यांनी सांगितले.

बिस्किटे सर बोलताना म्हणाले की, अर्जुनराव यांनी समाज कार्य करत असताना सामाजिक कार्यात देखील मोठ्या प्रमाणात सक्रिय आहेत. कोरोना काळात त्यांनी अनेक प्रकारची मदत केली. मराठा समाजासाठी जास्तीत जास्त निधी मिळावा यासाठी ते सतत प्रयत्न करत असल्याचे त्यांनी सांगितले.

अखिल भारतीय मराठा महासंघाचे जिल्हाध्यक्ष अर्जुनराव चव्हाण यांच्या वाढदिवसानिमित्त मुकबधीर प्रशालेत मुलांना खाऊ वाटत करण्यात आला. 

याप्रसंगी शिवप्रेमी चौक, नागणेवाडी, बोराळे नाका, खोमनाल नाका, धर्मगाव रोड, शिरणांदगी आदी शाळांचे उद्घाटन अर्जुनराव चव्हाण यांच्या हस्ते करण्यात आले.

कार्यक्रमाचे प्रस्तावित शिवाजी नागणे सर व सूत्रसंचालन भारत मुढे यांनी केले तर आभार तालुकाध्यक्ष सचिन डोरले, शहराध्यक्ष आण्णा आसबे यांनी मानले.