बडवे - उत्पात दोन एजंट वर होणार कारवाई : पडद्यामागील सूत्रधार कोण?

 

पंढरपूर (प्रतिनिधी) :- श्री विठ्ठल रुक्मिणी मंदिरात पैसे घेऊन दर्शन दिल्याप्रकरणी सागर बडवे व शंतनू उत्पात हे दोन संशयित एजंट असताना मंदिर समितीचे व्यवस्थापक बालाजी पुदलवाड यांनी संबंधित घटनेचा पूर्ण तपास करून योग्य ती कारवाई केली जाईल असे आश्वासन दिले आहे दरम्यान या घटनेमुळे पंढरपूर शहर व परिसरात एकच खळबळ उडाली आहे. दरम्यान या घटनेचा खरा सूत्रधार कोण? असा प्रश्न निर्माण होत आहे.

पंढरपूर शहरातील बडवे असो उत्पात असो किंवा अन्य कोणीही समितीचे सदस्य असो कोणत्याही भाविकाला मंदिरात व्हीआयपी दर्शनासाठी जाण्यास मंदिर समितीच्या अधिकारी किंवा कर्मचाऱ्यांची गरज लागतेच त्यामुळे या प्रकरणात मंदिर समितीतील किती कर्मचारी इन्व्हॉल्व आहेत याचाही सखोल तपास होणे गरजेचे झाले आहे. मंदिर समितीतील कर्मचारी या प्रकरणात व या संपूर्ण प्रक्रियेत असल्याशिवाय कुठल्याही भाविकाला दर्शन रांगेत मधून घुसता येणार नाही हे त्रिकालबाधित सत्य आहे.

पंढरपूरला दक्षिण काशी संबोधले जाते.लाखो भाविकांचे श्रध्दास्थान, गोरगरीबांचा देव म्हणून प्रसिध्द असलेले पंढरपूरचे पांडुरंग रूक्मिणी देवस्थान आहे. पददर्शन असलेले एकमेव देवस्थान आहे. येथे येणारे भाविक 8 ते 10 दर्शनासाठी रांगेत उभारून कशाचीही पर्वा न करता रांगेतून दर्शन घेत असतात, काळ बदलला तसेच दर्शनासाठी नवीन पिढी तयार झाली. नोकरदार दोन दिवसांच्या सुट्टीत देवदर्शन करून आपल्या नोकरीची गाठ घालत असतात. हजारो रूपये खर्च करून पंढरपूरला आल्यावर विठ्ठलाच्या दर्शनाची ओढ असते. दर्शन व्हावे यासाठी प्रत्येकाची खटपट चालू असते.सध्या तर अधिक मास व श्रावण महिना सलग असल्यामुळे खुप गर्दी झालेली आहे. 

दररोज जवळपास 1 लाखाच्या वर भाविक पंढरपूरात दाखल होत आहेत.त्यामुळे दर्शनाचा कालावधी वाढला आहे. ज्यांना वेळ नाही किंवा दर्शन रांगेत एवढा वेळ आपण थांबु शकत नाही. मग त्यासाठी दर्शन कसे सुलभ होईल यासाठी भाविकांची धडपड असते. यातच पंढरपूरातील विठ्ठल मंदीरात येणारे सुसंस्कृत लोक, रोज मंदीराच्या संपर्कात असणारे, प्रतिष्ठित नागरीक,शासकीय अधिकारी यांच्या ओळखीचा फायदा घेत दर्शनासाठी वशिला लावला जात असतो. 

    भाविकाचे आराध्य दैवत असलेल्या पंढरीच्या श्री विठ्ठलाचे दर्शन घेण्यासाठी प्रत्येक वारकरी आसुसलेला असतो काहीनी त्यांचा गैरफायदा घेत पैसे मिळविण्याचा व्यवसाय चालू केल्याचे दिसून आले. लवकर दर्शन होण्याच्या मोहा पायी काहीजण एका व्यक्तीला एक  हजार रूपयेअसे घेऊन भाविकांना दर्शन घडवून आणतात अशी चर्चा काही दिवसापूर्वी पंढरपुरात सुरू असतानाच आज पंढरपूर शहर पोलीस स्टेशनचे पोलीस कॉन्स्टेबल वामन यलमार यांनी पंढरपूर शहर पोलीस कॉन्स्टेबल वामन यलमार यांनी पंढरपूरातील बडवे व उत्पात या दोन संशयित एजन्ट मार्फत हैद्राबाद येथील दोन भाविक दर्शनासाठी आले असल्याचे मंदिर समितीचे व्यवस्थापक बालाजी पुदलवाड यांच्या निदर्शनास आणून दिले 

दरम्यान व्यवस्थापक बालाजी पुदलवाड यांनी मंदिर समितीचे कार्यकारी अधिकारी यांचे आदेशानुसार संबंधितावर योग्य ती कारवाई करण्यात येईल असे आश्‍वासन दिले. त्याचबरोबर कोणालाही पाठीशी घालणार नाही, यामध्ये कोणाकोणाचे लागेबांधे आहेत अजून किती असे एजंट मंदिर परिसरात असून समितीतील कर्मचारी त्यांना कशाप्रकारे मदत करत आहेत हे पोलिस चौकशीत निष्पन्न होणारच असून सदर घटनेबाबत वरिष्ठांशी चर्चा करून निर्णय घेण्यात येईल अशी माहिती मंदिर समितीचे व्यवस्थापकांनी माध्यमांना दिली.