अखिल भारतीय मराठा महासंघ शिवजन्मोत्सव सोहळा समिती यांच्या पदाधिकारी निवड

पंढरपूर प्रतिनिधी - 

अखिल भारतीय मराठा महासंघ पंढरपूर शहर व तालुका यांच्या वतीने अखिल भारतीय मराठा महासंघाचे सोलापूर जिल्हाध्यक्ष मा अर्जुनराव चव्हाण यांच्या मार्गदर्शनाखाली छत्रपती शिवाजी महाराज जन्मोत्सव सोहळा नियोजन मिटींग संपन्न झाली‌.मराठा महासंघ प्रत्येक वर्षी शिवजन्मोत्सव सोहळा मोठ्या उत्साहात साजरा करत असतो,याही वेळी शिवजन्मोत्सव सोहळा विविध सामाजिक उपक्रमांसह मोठ्या उत्साहात साजरा करण्यात येणार आहे.शिवजन्मोत्सव सोहळा समिती अध्यक्षपदी शामराव साळुंखे,उपाध्यक्ष सचिन थिटे,सचिव मिलिंद काळे, खजिनदार सचिन गंगथडे मिरवणूक प्रमुख गणेश कदम, संघटक विकास गणेश,मार्गदर्शक सतिश धनवे सर, नाईकनवरे सर, इंद्रजित गोरे,प्रदिप मोरे,तात्यासो देशमुख,नागेश रितूंड,शकील मुलानी, महादेव कवडे, नागेश कोरके यांच्या निवडी करण्यात आल्या.यावेळी मागील सामाजिक कार्यक्रमांचा आढावा घेण्यात आला व पुढील विषयावर चर्चा झाली.यावेळी विविध सामाजिक शैक्षणिक क्षेत्रातील मान्यवर तसेच पंढरपूर शहर व तालुक्यातील विविध शाखांचे पदाधिकारी मोठ्या संख्येने उपस्थित होते.यावेळी विविध मान्यवरांनी आपापले मनोगत व्यक्त केले व छत्रपती शिवाजी महाराजांचा जन्मोत्सव सोहळा मोठ्या उत्साहात साजरा करण्याचा एकमुखी निर्णय झाला.