वाई कुख्यात गुन्हेगारांची टोळी तडीपार पोलीस अधीक्षक समीर शेख यांचे आदेश: जनतेतून स्वागत, संभाजी

 पुरीगोसावी (सातारा जिल्हा) प्रतिनिधी. सातारा जिल्ह्यातील सराईत गुन्हेगारांवर जिल्ह्याचे डॅशिंग पोलीस अधीक्षक समीर शेख आता करडी नजर ठेवून आहेत. त्यांनी पदभार स्वीकारल्यापासून धडाकेबाज कारवाई करीत आपल्या कामाची एक वेगळीच छाप जिल्हावासियांच्या मनावर ठेवली आहे. वाई पोलीस ठाण्याच्या हद्दीमध्ये सातत्याने गुन्हे टोळीला पोलीस अधीक्षक समीर शेख यांनी तडीपार केले आहे. वाईतील गुन्हेगारी विरुद्ध पोलीस ॲक्शन मोडवर आल्याने त्यांचे जनतेतून स्वागत होत आहे.वाई पोलीस ठाण्याच्या हद्दीमध्ये सातत्याने गुन्हे करणाऱ्या टोळीला पोलीस अधीक्षक समीर शेख यांनी तडीपार केले आहे. यामध्ये अक्षय गोरख माळी (वय २१) सनी उर्फ राहुल सुरेश जाधव (वय २५) सांरग  ज्ञानेश्वर माने (वय २४) वसंत ताराचंद घाडगे (वय १९) सर्व रा. गुरेबाजार झोपडपट्टी वाई )अशी तडीपार केलेल्या आरोपींची नावे आहेत. तडीपार केलेल्या टोळीवर गर्दी मारामारी करून खुनाचा प्रयत्न करणे, घरफोडी करणे, चोरी करणे शिवीगाळ दमदाटी केल्या बाबतचे गंभीर दखलपात्र गुन्हे दाखल झाल्यानंतर पोलिसांनी यावेळी प्रतिबंधात्मक कारवाई केली. मात्र तरीही टोळीमध्ये सुधारणा होत नव्हती उलट नागरिकांमध्ये त्यांची दहशत वाढत होती. त्यामुळे या टोळक्यावर कारवाई व्हावी अशी मागणी नागरिकांमधून होत होती. वाई पोलीस ठाण्याचे पोनि. बाळासाहेब भरणे यांनी या टोळीविरुदध तडीपार करण्याबाबत प्रस्ताव तयार करुन तो पोलीस अधीक्षक कार्यालयात पाठवला होता. या टोळीची हद्दप्राधिकरण झाली असता त्यांनी सातारा जिल्ह्यातून दोन वर्षकरिता हद्दपारिचे आदेश जारी केले आहेत. दरम्यान नोव्हेंबर २०२२ पासून ९४ हुन अधिक जणांवर तडीपारी अंतर्गत कारवाई करण्यात आली आहे. भविष्यातील सातारा जिल्ह्यातील सराईत गुन्हेगारांचे विरुद्ध हद्दपारी, मोक्का  एमपीडीए अशा प्रकारच्या कडक कारवाया करण्यात येणार आहेत.*