पंढरपूर नगरपंचायतीच्या वतीने जागतिक महिला दिन साजरा

 नवीन मतदाराच्या नोंदणीसाठी जनजागृती अभियान यशस्वी करा व शहरातील महिलांनी बचत गटाच्या माध्यमातून विविध योजनेचा लाभ घ्यावा

-- मुख्याधिकारी डॉ.प्रशांत जाधव 

 

पंढरपूर नगर परिषदेच्या वतीने जागतिक महिला दिनाच्या निमित्ताने नगरपालिका सभागृहांमध्ये महिला बचत गटांच्या मेळाव्याचे आयोजन करण्यात आले होते या महिला मेळाव्याचे उद्घाटन मुख्याधिकारी डॉ प्रशांत जाधव यांच्या शुभहस्ते उपमुख्याधिकारी अँड. सुनील वाळूजकर, महसूल साहाय्यक निवडणूक शाखा प्रमुख राजू शिंदे,कर अधिकारी सुप्रिया शिंदे,संतोष कसबे,योगेश काळे यांच्या उपस्थित  करण्यात आले      

. यावेळी मुख्याधिकारी डॉ प्रशांत जाधव यांनी सांगितले की, पंढरपूर शहरातील महिलांना बचत गटाच्या माध्यमातून विविध योजनांचा लाभ पंढरपूर नगर परिषदेच्या वतीने दिला जातो त्यामुळे महिला आर्थिक दृष्ट्या सक्षम होण्याच्या दृष्टीने जास्तीत जास्त महिलांनी विविध योजनांचा लाभ घेऊन बचत गटाच्या माध्यमातून नवीन नवीन  उत्पादने तयार करावेत व आपले कुटुंब आर्थिक दृष्ट्या सक्षम बनवावे असे सांगितले मतदार जनजागृती अभियानामध्ये सहकार्य करावे असे आवाहन केले 

यावेळी पंढरपूर नगरपरिषदेचे उपमुख्याधिकारी अँड.सुनिल वाळूजकर यांनी सांगितले की,प्रांताधिकारी सचिन इथापे, तहसीलदार सचिन लंगुटे, मुख्याधिकारी डॉ प्रशांत जाधव यांच्या मार्गदर्शनाखाली शहर व तालुक्यात मतदार जनजागृती अभियान मोठ्या प्रमाणात राबविण्यात येत आहे.  शहरातील १८ वर्षे वय पूर्ण झालेल्या प्रत्येक तरुण तरुणींनी आपला  मतदानाचा हक्क बजावण्यासाठी  मतदार नोंदणी  प्रक्रिया पूर्ण करणे आवश्यक आहे व येत्या निवडणुकीत त्यांनी निर्भीडपणे मतदानाचा हक्क बजावण्यासाठी  ही मतदार नोंदणी चळवळ  महिला बचत गटांच्या माध्यमातून यशस्वी करावी  असे आवाहन केले .                                                                   यावेळी निवडणूक शाखा महसूल साहाय्यक राजू शिंदे यांनी सांगितले की,नागरिकांनी निवडणुकीत मतदान करणे किती महत्वाचे आहे  मतदान केल्यामुळे आपल्या हक्काच्या प्रतिनिधींकडून विकासकामे, प्रशासकीय कामे, साक्षर, महिला जनजागृती व शैक्षणिक क्षेत्राविषयी विविध विकास कामे अधिक गतिमान करता येतील त्यामुळे महिला बचत गट यांनी आपल्या आपल्या भागातील नव्याने होत असलेल्या प्रत्येक मतदाराची  नोंदणी करून मताची टक्केवारी वाढवावी. या ठिकाणी नोदणी फॉर्म उपलब्ध करून दिलेले आहेत तसेच तहसील कार्यालय येथील असलेल्या निवडणूक शाखेमध्ये सुद्धा फॉर्म उपलब्ध आहेत असल्याचे माहिती दिली

कर अधिकारी सुप्रिया शिंदे यांनी नगर परिषदेच्या कर प्रणाली बाबत माहिती दिली तसेच स्वच्छ भारत अभियानातर्गत सिटी को ऑर्डीनेटर अभिजित घाडगे यांनी यांनी ओला व सुका कचरा घातक कचरा बाबत माहिती दिली

 या जागतिक महिला दिन मेळाव्याचे आयोजन सामाजिक विकास पायाभूत सुविधा  व्यवस्थापक संतोष कसबे, व्यावसायिक कौशल्य प्रशिक्षण संस्थेचे व्यवस्थापाक योगेश काळे यांनी केले होते यावेळी समूह संघटक सचिन सरवदे, शहर उपजीविका केंद्र व्यवस्थापाक अनिकेत सर्वगोड,रणरागिनी शहर स्तर संघ अध्यक्ष वैशाली माने, सावित्रीबाई फुले वस्ती स्तर संघ अध्यक्ष अनिता राजेंद्र पवार,माजी  नगरसेविका कमल तोंडे,  आर्थिक विकास महामंडळ सदस्य वंदना बिडकर,आरोग्य अधिकारी शरद वाघमारे,नागनाथ तोडकर व  महिला बचत गटाच्या ५०० प्रतिनिधी या कार्यक्रमास उपस्थित होत्या