विरोधी पक्षनेता अंबादास दानवे यांनी अनु.जमाती जात पडताळणी समितीच्या अधिकाऱ्यांना झापले .

विरोधी पक्षनेता अंबादास दानवे यांनी अनु.जमाती जात पडताळणी समितीच्या अधिकाऱ्यांना झापले .

पंढरपुर: दि.30 ( प्रतिनिधी) 

                 आदिवासी क्षेत्राच्या बाहेर राहणाऱ्या 31 जिल्ह्यातील महादेव, मल्हार, टोकरे, ढोर कोळी जमातीच्या जात प्रमाणपत्र व जातवैद्यता प्रमाणपत्राच्या प्रश्नासंदर्भात काल दि 29 रोजी विधान परिषद विरोधी पक्ष नेता, दालन क्रमांक 29 मुंबई येथे अंबादास दानवे यांच्या अध्यक्षतेखाली संबंधित खात्याचे अधिकारी व समाजाचे अभ्यासक व शिवसेना उपनेते शरद दादा कोळी यांच्या समवेत बैठक झाली. त्यामध्ये अंबादास दानवे यांनी जात पडताळणी प्रमाणपत्र सहआयुक्तांना तसेच संबंधितत अधिकाऱ्यांना कडक शब्दात झापले आहे.

           यावेळी कोळी जमातीचे अभ्यासक डॉ.शरण खानापुरे यांनी जमातीच्या जात प्रमाणपत्र व जात वैधता प्रमाणपत्र संदर्भात अधिकारी कशा पद्धतीने अडवणूक करतात, तसेच ब्रिटिश कालीन सेन्सेस रिपोर्ट, मानववंश शास्त्रज्ञांचे अहवाल, हायकोर्टाचे जजमेंट ,एसबीसी व एस टी मधील कोळी नेमके कोणते , मंत्रीमंडळ ठराव, 2011 ची जनगनना, विधानसभा, लोकसभा आरक्षण,यानुसार 9.35 %फंडाची तरतुद, महाराष्ट्रात 1950 पुर्वीच्या सर्वांच्या नोंदी, फक्त कोळी झाल्या त्या तत्कालीन जनगणना आयोगाच्या आदेशाने झाल्या आहेत. त्यामुळे टीएसपीतील कोळी जमातींना कोळी नोंदीवरून जसे जात प्रमाणपत्र दिले जाते व जात वैधता प्रमाणपत्र दिले जाते तसेच ओटीएसपी मधील कोळी जमातीलाही देण्यात यावे अशी मागणी केली आहे.   

           यावेळी अंबादास दानवे यांनी जातपडताळणी अधिकाऱ्याना या संदर्भात अनेक प्रश्न विचारले परंतु समाधानकारक उत्तर न देता दिशाभुल करणारी उत्तरे देतांना घाबरले होते. त्यामुळे ते चिडले व म्हणाले की, हा समाज गरीब ,अज्ञानी, आहे म्हणून अन्याय करता का ? ठिकाणी धनदांडगे असते तर तुम्हाला ठोकून काढले असते.                        

     आदिवासी विभागाचेअव्वर सचिव पावरा यांना चार दिवसात अहवाल सादर करण्यास सांगितले. एका मिटिंगमध्ये हा विषय संपणार नसून अजुन एक दोन मिटिंग घेऊन कोळी जमातीचा प्रश्न सोडवू असे आश्वासन दिले आहे.

यावेळी सामान्य प्रशासन, विधी व न्याय विभाग अधिकारी, आदिवासी विभागाचे अव्वर सचिव पावरा, आदिवासी संशोधन व प्रशिक्षण संस्था पुणे जॉईन सेक्रेटरी चंचल पाटील, राज्यातील आठ जात पडताळणी समितीचे सहआयुक्त ,शिवसेना उपनेते शरद कोळी, प्रा डॉ.शरण खानापुरे, प्रा बाळासाहेब बळवंतराव,दत्ता सुरवसे, दुर्गा माने, शाम कोळी ,किरण कोळी,गिताजंली कोळी , सूरज खडाखडे ,औदुंबर कोळी ,परमेश्वर कोळी काका वाघमारे, शैलेश साळूखें, सिध्दार्थ कोळी, माधव बुधवारे, यांच्यासह राज्याच्या 31 जिल्हयातील प्रतिनिधी उपस्थित होते.

              अन्यायग्रस्त महादेव, मल्हार, टोकरे, ढोर कोळी जमातीचे 31 जिल्ह्यात 65 ते 70 लाख मतदार असून 55 ते 60 आमदार निवडून येऊ शकतात व पडूही शकतात अशी सध्याची परिस्थिती आहे. जो पक्ष न्याय देईल त्या पक्षाच्या मागे मोठी ताकद उभा करणार असल्याचे सांगितले आहे. कोळी जमातीचे अभ्यासक बाळासाहेब बळवंतराव यांनी सांगितले आहे