पंढरपूरः 'शैक्षणिक वर्ष २०२५-२६ करिता थेट द्वितीय वर्ष एम.बी.ए. व थेट द्वितीय वर्ष एम.सी.ए. या पदव्युत्तर पदवीच्या प्रवेशासाठी ऑनलाईन कॅप रजिस्ट्रेशन प्रक्रिया सुरु झाली असून ही प्रक्रिया मंगळवार, दि.१५ जुलै २०२५ पासून ते बुधवार दि. ३० जुलै २०२५ (सायं.०५ वा.) पर्यंत चालणार आहे. राज्य सामाईक प्रवेश परीक्षा कक्षाकडून स्वेरी अभियांत्रिकीच्या एम.बी.ए. विभागास सुविधा केंद्र (एस.सी. ६२२०) म्हणून मान्यताही मिळालेली आहे.' अशी माहिती स्वेरीचे संस्थापक व कॉलेज ऑफ इंजिनिअरिंग (ऑटोनॉमस)चे प्राचार्य डॉ.बी.पी.रोंगे यांनी दिली.
महाराष्ट्र शासनाच्या राज्य सामाईक प्रवेश परीक्षा कक्षाच्या संकेतस्थळावर या प्रक्रियेबाबत सविस्तर माहिती दिली आहे. स्वेरी अभियांत्रिकीच्या एम.बी.ए. (पदव्युत्तर पदवी) च्या थेट द्वितीय वर्षामध्ये ऑनलाईन रजिस्ट्रेशन करण्याची मोफत सुविधा उपलब्ध करून देण्यात आलेली आहे. ऑनलाईन (कॅप) रजिस्ट्रेशनची ही प्रक्रिया मंगळवार, दि.१५ जुलै २०२५ पासून ते बुधवार, दि. ३० जुलै २०२५ (सायं.०५ वा.) पर्यंत चालणार असून यामध्ये ऑनलाईन रजिस्ट्रेशन करणे, स्कॅन केलेली कागदपत्रे अपलोड करणे, कागदपत्रांची पडताळणी करणे आणि कन्फर्मेशन करणे आदी प्रक्रिया चालतील तसेच कन्फर्मेशन प्रक्रिया मंगळवार, दि.१६ जुलै २०२५ पासून ते गुरुवार, दि. ३१ जुलै २०२५ (सायं.०५ वा.) पर्यंत करता येणार आहे. रजिस्ट्रेशन करण्यासासाठी विद्यार्थ्यांनी आपल्या प्रवर्गानुसार असलेली सर्व मूळ कागदपत्रे सोबत आणावीत. प्रवेशासाठी ऑनलाईन अर्ज भरल्यानंतर कागदपत्रांची पडताळणी व कन्फर्मेशन करण्यासाठी प्रत्यक्ष महाविद्यालयात उपस्थित राहणे आवश्यक आहे. प्रवेश प्रक्रियेच्या रजिस्ट्रेशन व कन्फर्मेशन नंतर अंतिम गुणवत्ता यादी प्रसिद्ध होणे, प्रथम, द्वितीय व तृतीय अशा तीन फेरीसाठी ऑप्शन फॉर्म भरणे आदी प्रक्रिया होतील. थेट द्वितीय वर्ष एमबीए (पदव्युत्तर पदवी) च्या प्रवेशाचा लाभ बी.टेक., बी.बी.ए. व बी.एम.एस. (चार वर्ष पदवी असलेल्या) या शाखेतून उत्तीर्ण झालेल्या विद्यार्थ्यांना घेता येणार आहे. तसेच थेट द्वितीय वर्ष एम.सी.ए. (पदव्युत्तर पदवी)च्या प्रवेशाचा लाभ बी.टेक./ बी.ई./ कॉम्प्यूटर सायन्स अँड इंजिनिअरिंग/ इन्फोर्मेशन टेक्नोलॉजी / बी.सी.ए. (चार वर्ष पदवी असलेल्या) या शाखेतून उत्तीर्ण झालेल्या विद्यार्थ्यांना घेता येणार आहे. थेट द्वितीय वर्ष एम.बी.ए. व एम.सी.ए. च्या प्रवेशासाठी प्रवेश प्रक्रियेचे अधिष्ठाता डॉ. करण पाटील (मोबा.नं.-९५९५९२११५४) या क्रमांकावर संपर्क साधण्याचे आवाहन केले आहे.
0 Comments