सोलापूर लोकसभा मतदारसंघातील तालुका मोहोळ येथे सततच्या पडणाऱ्या पावसामुळे शेती पिकांचे नुकसान झाले आहे त्यांचे पंचनामे करुन शेतक-यांना शासकिय मदत देण्यात यावे, मोहोळ तालुकामध्ये येणाऱ्या नरखेड मंडळ व सावळेश्वर मंडळ मध्ये ६५ मी. मी. पावसाची अट शिथील करुन नुकसान ग्रस्त शेतकऱ्यांना व नागरिकांना शासकिय मदत देण्यात यावे, अक्कलकोट तालुक्यातील मौजे मोट्याळ या गावचे पुनर्वसन करुन नव्या ठिकाणी गाव वसविण्यात यावे, मौजे तपकिरी शेटफळ गावासाठी दत्तक बँकेतुन तसेच ५ एकर पेक्षा कमी भुधारक क्षेत्र असलेल्या शेतकऱ्यांना बँकेतुन लोन देण्यात यावे या मागणीसाठी सोलापूर लोकसभा मतदारसंघाच्या खासदार प्रणिती शिंदे यांनी मा. जिल्हाधिकारी सोलापूर, श्री. कुमार आशीर्वाद यांची भेट घेऊन निवेदन देऊन मागणी केली.
यावेळी जिल्हा काँग्रेसचे अध्यक्ष सातलिंग शटगार, मोहोळ तालुका काँग्रेसचे अध्यक्ष सुलेमान तांबोळी, अक्कलकोट तालुका काँग्रेसचे अध्यक्ष मल्लिकार्जुन पाटील, जिल्हा काँग्रेसचे उपाध्यक्ष राजेश पवार, जिल्हा समन्वयक मनोज यलगुलवार यांच्यासह शेतकरी बांधव आणि ग्रामस्थ सोबत होते.
यावेळी खासदार प्रणिती शिंदे यांनी मा. जिल्हाधिकारी यांच्याकडे मागणी केली की, सोलापुर जिल्हयातील ता. मोहोळ येथे काही दिवसापासुन सतत पाऊस होत आहे. त्यामुळे शेती पिकांचे मोठ्या प्रमाणात नुकसान झाले आहे. त्यामुळे याठीकाणी सततच्या पाऊसामुळे झालेल्या शेती पिकांच्या नुकसानीचे तात्काळ पंचनामे होऊन या भागातील शेतकऱ्यांना शासकिय नुकसान भरपाई मिळावी याकरिता या भागातील ग्रामस्थांनी माझ्याकडे मोठ्या प्रमाणात मागणी केली आहे. तरी कृपया उपरोक्त विषयाचे दखल घेऊन मोहोळ तालुका येथील सततच्या पाऊसामुळे झालेल्या शेतीपिकाचे नुकसानीचे पंचनामे करुन त्यांना शासकिय मदत देण्यात यावी,
मोहोळ तालुकामध्ये येणाऱ्या नरखेड मंडळ व सावळेश्वर मंडळ येथे ६५ मिलिमीटर पेक्षा कमी अतिवृष्टीच्या पावसाची नोंद झाल्यामुळे या भागातील शेतकऱ्यांच्या पिकांच्या नुकसानीची पंचनामे महसूल व कृषि विभागाकडून केले गेले नाहीत. सोलापूर जिल्ह्यात जून, २०२५ ते ऑगस्ट, २०२५ या कालावधी अवकाळी पाऊस व अतिवृष्टीमुळे मोहोळ तालुक्यातील नरखेड मंडळात ५९ मी.मी. इतक्या पावसाची नोंद झाली आहे. याच मंडळात येणाऱ्या डिकसळ व मसले चौधरी या गावांमध्ये याच कालावधीत ७० ते ७५ मी.मी. इतका पाउस प्रत्यक्षात पडला आहे. आज ही या गावातील शेतीपिकांची पाहणी केली तर महसुल विभाग व कृषी विभाग यांना ते लक्ष्यात येईल. तसेच याच मोहोळ तालुक्यातील सावळेश्वर मंडळात देखील ३० मी.मी. पेक्षा कमी पावसाची नोंद झाली आहे याच मंडळात येणाऱ्या खुनेश्वर गावामध्ये याच कालावधीत ७० ते ७५ मी.मी. इतका पाउस प्रत्यक्षात पडला आहे. तसेच या गावामध्ये पाऊसाची नोंद ६५ मि.मी. पेक्षा कमी झाल्यामुळे या गावातील नागरिकांच्या घराच्या पडझडीचे व नुकसानीचे पंचनामे झाले नाहीत. या नुकसानीचे पंचनामे होऊन गावातील या नागरिकांना देखील शासकिय मदत मिळणे गरजेचे आहे. उपरोक्त परिस्थिती पाहता आपल्या मार्फत संबंधित महसुल व कृषी अधिकारी यांना मोहोळ तालुक्यातील नरखेड मंडळात अवकाळी व अतिवृष्टी पावसाची नोंद ६५ मि.मि. पेक्षा कमी म्हणजेच ५९ मि.मी. इतकी झाली आहे परंतु याचं महसुल मंडळात येणाऱ्या डिकसळ व मसले चौधरी गावांमध्ये प्रत्यक्षात याच कालावधीत ७० ते ७५ मी.मी. इतका पाऊस पडल्यामुळे शेतीपिकांचे नुकसान झाले आहे. तसेच याच मोहोळ तालुक्यातील सावळेश्वर मंडळात देखील ३० मी.मी. पेक्षा कमी पावसाची नोंद झाली परंतु याच मंडळात येणाऱ्या खुनेश्वर गावामध्ये प्रत्यक्षात ७० ते ७५ मी.मी. इतका पाउस पडून शेतीपिकांचे नुकसान झाले आहे. दोन्ही मंडळात ६५ मी.मी. पेक्षा कमी पावसाची नोंदच्या अटीस शिथिलता देऊन सदरच्या मंडळातील संबंधित गावातील शेतीपिकांचे व घराच्या पडझडीचे नुकसानीचे पंचनामे करुन शेतकऱ्यांना व नागरिकांना शासकीय मदत देण्यात यावी.
अक्कलकोट तालुक्यातील कुरनुर धरण पुर्ण क्षमतेने भरल्यानंतर या धरणातुन हरणी नदीच्या माध्यमातुन बोरी प्रकल्पात मोठ्या प्रमाणामध्ये पाणी सोडले जाते. यामुळे याठिकाणी असलेल्या मौजे मोट्याळ गावातील नागरिकांना पुर परिस्थितीस सामोरे जावे लागते याठिकाणी मोठ्या प्रमाणात पाण्याचा प्रवाह आल्यामुळे येथील मौजे मोट्याळ गावातील नागरिकांचे अतोनात नुकसान होत असल्याने मौजे मोट्याळ गावाचे पुनर्वसन करुन नव्या ठिकाणी गाव वसविण्याची मागणी येथील ग्रामस्थांनी मोठ्या प्रमाणात केलेली आहे. तरी, तालुका अक्कलकोट मौजे मोट्याळ या गावचे पुनर्वसन करुन नव्या ठिकाणी गाव वसविण्यात यावे.
मौजे तपकिरी शेटफळ ता. पंढरपुर येथील शेतकऱ्यांना कासेगांव येथील आय. सी. आय. सी. आय. बँक दत्तक आहे. परंतु हि बँक तपकिरी शेटफळ गावांतील शेतकऱ्यांना बँक लोन मंजुर करीत नाही. त्याचप्रमाणे कोणत्याही शासकिय योजनेची प्रकरणे वरिल दत्तक बँक मंजुरी करित नाही त्यामुळे शेतकऱ्यांना व गावकऱ्यांना कोणत्याही योजनेचा लाभ घेता येत नाही. तसेच ५ एकरपेक्षा कमी भुधारक असलेल्या शेतकऱ्यांनाही बँक कर्ज देत नाही. तरी ५ एकर पेक्षा कमी क्षेत्र असलेल्या शेतकऱ्यांना शेतीसाठी बँकेतुन कर्ज उपलब्ध करुन देण्यात यावे. तपकिरी शेटफळ गावासाठी दत्तक बँकेतुन तसेच ५ एक्कर पेक्षा कमी भुधारक क्षेत्र असलेल्या शेतकऱ्यांना बँकेतुन लोन मंजुर करण्याबाबत संबंधितांना आदेश व्हावेत अशी मागणी यावेळी केली.
निवेदन स्वीकारताना जिल्हाधिकारी कुमार आशीर्वाद यांनी शेतकऱ्यांचे व नागरिकांचे प्रश्न गांभीर्याने घेतले जातील आणि संबंधित विभागांना तातडीने कार्यवाहीचे निर्देश देण्यात येतील, असे आश्वासन खासदार प्रणिती शिंदे यांना दिले.
▬▬▬ஜ۩(tp)۩ஜ▬▬▬
0 Comments