सहा. पोलीस अधिक्षक श्री. प्रशांत डगळे, यांचे पथकाची अवैद्य प्रतिबंधीत गुटखा, सुगंधित तंबाखु वर कारवाई १४ लाखाचा मुदद्देमाल जप्त "

पंढरपूर(प्रतिनिधी):- मौजे लक्ष्मी टाकळी ता. पंढरपूर जि. सोलापूर येथे एक छोटा हत्ती (टाटा कंपनीचा) यामध्ये प्रतिबंधीत सुगंधीत तंबाखू, अवैधरीत्या वाहतुक करीत असलेबाबतची गोपनीय माहिती मिळालेने सदर ठिकाणी पोलीस पथक यांनी छापा कारवाई केली

मौजे लक्ष्मी टाकळी ता. पंढरपूर जि. सोलापूर येथील ममता हॉस्पीटल, समोर रोडवर एक छोटा हत्ती (टाटा कंपनीचा) यामध्ये वरील बाजु न दिसण्याकरीता पिवळया रंगाच्या ताडपत्रीने बांधून जात असताना संशयास्पद पध्दतीने मिळून आला आहे. सदर वाहनास पोलीस पथकाने थांबवून खात्री केली असता बाहनामध्ये मानवी शरीरास अपायकारक असलेले प्रतिबंधीत सुगंधीत तंबाखूचे ५०० ग्रॅम वजनाचे पॉफिट असे ३० ठिक्यामध्ये भरुन बाहतूक करत असताना मिळून आले.

सदर पॉफिटची खात्री केली असता त्यामध्ये मानवी शरीरास अपायकारक असलेले प्रतिबंधीत सुगंधीत तंबाखू मिळून आली आहे. सदर मालाची एकुण किंमत ९,००,०००/- रुपये असून छोटा हत्ती टाटा कंपनीचा एम.एच.१३.डी. क्यू. १९५८ किंमत ५,००,०००/- रुपये असा एकुण १४,००,०००/- रुपये असा मुदद्देमाल हस्तगत करण्यात आलेला आहे.

सदर कारवाई मध्ये वाहन चालक १) सुनिल पांडूरंग गावडे रा. नागनाथ मंदिराजवळ, मोहोळ २) दादा वसंत मोहरे रा. नागनाथ मंदिराजवळ, मोहोळ असे बेकायदेशीर माल वाहतूक करताना मिळून आलेले आहेत. सदर मालाबाबत खात्री केली असता सदरचा माल हा इसम नामे ३) गणेश पंडीत रा. येळे बस्ती, पंढरपूर ४) तुकाराम कोळी यांना देणेकरीता घेवून आलेचे आरोपीतांनी कबुल केले आहे. त्याबाबत पंढरपूर तालुका पोलीस पो. ठाणे गुरन ७३६/२०२५ भारतीय न्याय संहिता कलम २२३,२७४,२७५,१२३ सह अन्न सुरक्षा व मानके का. २००६ चे कलम २६ (२) (i) (ii), २६ (२) (iv), २७ (३) (E), ५९ वगैरे प्रमाणे वरील ४ इसमावर गुन्हा दाखल करण्यात आला आहे.

सदरची कामगीरी मा. अतुल कुलकर्णी, पोलीस अधिक्षक, सोलापूर ग्रामीण, मा.अपर पोलीस अधिक्षक, श्री.प्रितम यावलकर, मा. सहा पोलीस अधिक्षक, श्री. प्रशांत डगळे, पंढरपूर उपविभाग, पंढरपूर यांचे मार्गदर्शनाखाली पोलीस उपनिरीक्षक श्री. अब्दुलहमीद शेख, पोह/निलेश रोंगे, पोह/महेश कांबळे, पोकों/राहुल लोंढे, पोकों/विनोद शिंदे यांनी पार पाडलेली आहे.