अक्कलकोट/सोलापूर – आसामचे माजी मुख्यमंत्री स्व. तरुण गोगोई यांचे सुपुत्र, कालीअबोर लोकसभा मतदारसंघाचे खासदार तसेच काँग्रेस पक्षाचे लोकसभेतील उपनेते गौरव गोगोई यांचे देवकार्य निमित्त सोलापूरात आगमन झाले.
सोलापूर आगमनानंतर शहर काँग्रेस कमिटीचे अध्यक्ष चेतनभाऊ नरोटे आणि जिल्हा काँग्रेस कमिटीचे अध्यक्ष सातलिंग शटगार यांनी त्यांचे हार्दिक स्वागत केले. त्यानंतर गौरव गोगोई यांनी त्रिपुरारी पौर्णिमेनिमित्त अक्कलकोट येथील श्री स्वामी समर्थ मंदिर व श्री स्वामी समर्थ समाधी मठ येथे दर्शन घेतले तसेच स्वामी समर्थ अन्नछत्र मंडळालाही भेट दिली.
यावेळी श्री स्वामी समर्थ मंदिर समिती आणि अन्नछत्र मंडळाच्या वतीने गौरव गोगोई आणि पृथ्वीराज साठे यांचा सत्कार करण्यात आला.
या प्रसंगी अखिल भारतीय काँग्रेसचे सचिव आणि आसाम काँग्रेसचे सहप्रभारी पृथ्वीराज साठे हे देखील उपस्थित होते. अक्कलकोट येथे आगमन झाल्यानंतर तालुका काँग्रेस अध्यक्ष मल्लिकार्जुन पाटील आणि माजी नगराध्यक्ष अश्फाक बळोरगी यांनी गौरव गोगोई यांचे स्वागत केले.
दर्शनानंतर गौरव गोगोई यांनी भावना व्यक्त करताना सांगितले की,
> लाखो भाविकांचे श्रद्धास्थान असलेल्या अक्कलकोटच्या श्री स्वामी समर्थ महाराजांच्या दर्शनाने मन अतिशय प्रसन्न झाले. या पवित्र स्थळी येऊन मनाला अपार शांती आणि अध्यात्मिक उर्जा लाभली. अक्कलकोट हे महाराष्ट्रातील श्रद्धा, भक्ती आणि मानवतेचे प्रतीक आहे. या भूमीत येणे हे माझ्यासाठी भाग्याची गोष्ट आहे.
यानंतर गौरव गोगोई यांनी स्थानिक काँग्रेस कार्यकर्त्यांशी संवाद साधत विविध सामाजिक, शैक्षणिक आणि युवकांशी संबंधित विषयांवर चर्चा केली.
विरोधी पक्षनेते राहुलजी गांधी यांचे विश्वासू सहकारी म्हणून ओळखले जाणारे गौरव गोगोई हे संसदेत शिक्षण, रोजगार, प्रादेशिक असमानता, तसेच भाजप सरकारच्या भ्रष्टाचार आणि चुकीच्या धोरणांविरोधात ठाम भूमिका मांडणारे, पूर्वोत्तर भारताचा प्रभावी आवाज ठरलेले तरुण आणि अभ्यासू नेते म्हणून प्रसिद्ध आहेत. सामाजिक न्याय, युवक सक्षमीकरण आणि सर्वसमावेशक विकास या मुद्द्यांवर त्यांचा कायम ठाम भर असतो.
राजकीय वर्तुळात आसामचे भावी मुख्यमंत्री म्हणून गौरव गोगोई यांच्याकडे अपेक्षेने पाहिले जात आहे.
सोलापूर तसेच अक्कलकोटमधील त्यांच्या या भेटीमुळे स्थानिक काँग्रेस कार्यकर्त्यांमध्ये प्रचंड उत्साहाचे वातावरण निर्माण झाले आहे.
यावेळी माजी नगरसेवक विनोद भोसले, युवक काँग्रेसचे गणेश डोंगरे, मिडिया प्रमुख तिरुपती, देवाभाऊ गायकवाड, शंकर नरोटे, रुपेश गायकवाड, सुभाष वाघमारे, सुनील सारंगी, संजय गायकवाड, सागर उबाळे, अनिल जाधव, निशांत कवडे, अरुण जाधव, मुस्तफा बळोरगी, रोहित शटगार, दिंगबर मेटकरी, सौरभ साळुंखे, सुनील पूट्टा, बापू वाघमोडे, इरन्ना कनमुसे, शरणू अल्लोळी आदी उपस्थित होते.
▬▬▬ஜ۩(tp)۩ஜ▬▬▬
*तिरुपती परकीपंडला (tp)*
सोलापूर शहर काँग्रेस मिडिया सेल
नवीन व्हॉट्सॲप नंबर: 8010505458 — कृपया सेव करून आपल्या ग्रुपमध्ये सामील करा.
0 Comments