पंढरपूर तालुक्यातील मौजे रांझणी ग्रामपंचायत या स्थानिक स्वराज्य संस्थेच्या सरपंच पदी पंढरपूर - मंगळवेढा विधानसभा मतदारसंघाचे आमदार समाधान आवताडे यांच्या गटाच्या रेश्माताई बंडू शिंदे - पाटील यांची वर्णी लागली लागली आहे.
सदर निवडीनंतर रांझणी नगरीच्या प्रथम नागरिक रेश्माताई शिंदे - पाटील यांचा आवताडे यांच्या हस्ते आमदार जनसंपर्क कार्यालय मंगळवेढा येथे सपतीक फेटा बांधून अभिनंदन पर सत्कार करण्यात आला. श्री शंभू महादेव यांच्या पदस्पर्शाने आणि अस्तित्वाने पुनित व पावन झालेल्या रांझणी गावाच्या सर्वांगीण प्रगतीसाठी आणि धोरणात्मक विकासासाठी कोणताही राजकीय गट - तट यांचा आकस न ठेवता जनतेच्या सर्वसमावेशक मूलभूत आणि पायाभूत जीवन समृद्धीसाठी आपल्या पदाचा व अधिकाराचा वापर करा असा कार्यमंत्र *आमदार यांनी दिला.
पंढरपूर व मंगळवेढा विधानसभा कार्यक्षेत्रामध्ये आपल्या सेवाभावी नेतृत्व कौशल्याने विकासपुरुष असा लौकिक असणाऱ्या *आमदार यांच्या विचारांची पगडी उराशी बाळगून कोणत्याही राजकीय आमिषाला व अफवांना बळी न पडता आम्ही *आमदार महोदय* यांच्याच नेतृत्वाखाली आमची राजकीय वाटचाल सक्षमपणे पुढे चालू ठेवू असा परखड विश्वास मिस्टर सरपंच तथा युवक नेते मा. राजाराम उर्फ बंडू शिंदे पाटील यांनी बोलून दाखविला.
यावेळी राजाराम उर्फ (बंडू) पाटील, दादा घायाळ, मा.सरपंच .संभाजी कांबळे, .योगेश चौगुले, . विष्णू घायाळ, .नितीन घोडके, .शंकर शिंदे,. आण्णासो आवताडे आदी मान्यवर उपस्थित होते.
0 Comments