पंढरपूर (प्रतिनिधी) पंढरपूर येथील नामांकित इंजिनियर व पंढरपूर शहर वृत्तपत्र विक्रेते संघटनेचे शहराध्यक्ष श्री महेश प्रकाश पटवर्धन यांची निशिगंधा सह बँकेच्या संचालकपदी बिनविरोध निवड झाली आहे.
ही बातमी कळताच पंढरपूर शहरातून श्री पटवर्धन यांच्यावर कौतुकाचा वर्षाव केला जात आहे.१९९७ साली स्वातंत्र्यसैनिक व पत्रकार स्व प्रभाकर लाड गुरुजी यांनी या
बँकेची स्थापना केली. निवडणूक निर्णय अधिकारी तथा सहायक निबंधक सहकारी संस्था पंढरपूर पी सी दुरगुडे यांनी नूतन संचालकांची नावे जाहीर केली.
२०१० साली सहकार शिरोमणी साखर कारखान्याचे अध्यक्ष श्री कल्याणराव काळे यांच्या नेतृत्वाखाली बँक अखंड प्रगती करीत आहे. बँकेकडे ३६.४७ कोटी रुपये ठेवी आहेत.१९.७२ कोटींचे कर्ज वितरीत केले आहे.तर१६.५ कोटींची गुंतवणूक केली आहे.१२५ पेक्षा जास्त नव उद्योजकांना १० ते १२ कोटींचे कर्ज वाटप करण्यात आले आहे.
सर्वसाधारण मतदार संघातून कल्याणराव वसंतराव काळे, राजेंद्र बबनराव जाधव, भानुदास बलभीम सावंत, डॉ राजेंद्र मुरलीधर जाधव, सतीश प्रभाकर लाड, डॉ मंदार सुभाष सोनवणे, बांधकाम व्यावसायिक व इंजिनियर महेश प्रकाश पटवर्धन,वैभव विलासराव साळुंखे, महीला मतदार संघातून एड क्रांती रविकिरण कदम, शोभा दत्तात्रय येडगे, ईतर मागासवर्गीय वर्गातून अनिल नारायण निकते, भटक्या विमुक्त जाती जमातीमधून भागवत वासुदेव चवरे तर अनिसुचीत जाती जमाती वर्गातून देविदास विठ्ठल सावंत यांची संचालकपदी बिनविरोध निवड करण्यात आली आहे. श्री महेश पटवर्धन यांनी अत्यंत प्रतिकूल परिस्थितीत मात करून आपल्या व्यवसायात अल्पावधीत प्रगती केली आहे.
त्यांची निवड झाल्याने यात भर पडली असून सर्वत्र अभिनंदन केले जात आहे.
0 Comments