स्वेरीमध्ये 'महाराष्ट्र दिन' व 'कामगार दिन' साजरापंढरपूर- गोपाळपूर (ता. पंढरपूर) येथील स्वेरी तथा श्री.विठ्ठल एज्युकेशन अँड रिसर्च इन्स्टिटयूटमध्ये आज दिनांक ०१ मे २०२५ रोजी 'महाराष्ट्र दिन' व 'कामगार दिन' साजरा करण्यात आला.

          १ मे १९६० रोजी महाराष्ट्र राज्याची निर्मिती झाली. त्यामुळे या दिवशी ‘महाराष्ट्र दिन’ हा सार्वजनिक कार्यक्रमांबरोबर साजरा केला जातो तसेच कामगार आणि श्रमिक वर्ग हे देशाचे आधारस्तंभ आहेत त्यामुळे त्यांच्या योगदानाला उजाळा देण्यासाठी ‘आंतरराष्ट्रीय कामगार दिन’ हा दरवर्षी ०१ मे रोजी साजरा केला जातो. कामगारांच्या हक्कांसाठी आणि त्यांच्या योगदानाला आदराने गौरवण्यासाठी हा दिवस अत्यंत महत्त्वाचा आहे. स्वेरीमध्ये स्वेरीचे संस्थापक सचिव व कॉलेज ऑफ इंजिनिअरिंग, पंढरपूर (ऑटोनॉमस)चे प्राचार्य डॉ. बी.पी. रोंगे यांच्या मार्गदर्शनाखाली 'महाराष्ट्र दिन' व 'कामगार दिन' साजरा करण्यात आला. कॉलेज ऑफ फार्मसीचे प्राचार्य डॉ.एम. जी. मणियार यांनी भारतमातेच्या प्रतिमेचे पूजन करून ध्वजारोहण केले. राष्ट्रगीत व महाराष्ट्र गीतानंतर प्रथम वर्ष अभियांत्रिकीचे विभागप्रमुख डॉ. यशपाल खेडकर यांनी 'महाराष्ट्र दिन' व ‘कामगार दिन’ का साजरा करायचा हे सांगून दोन्ही दिनांचे महत्व पटवून दिले. यावेळी स्वेरीज कॉलेज ऑफ इंजिनिअरिंगच्या उपप्राचार्या डॉ. मिनाक्षी पवार, विद्यार्थी अधिष्ठाता डॉ. महेश मठपती, शैक्षणिक अधिष्ठाता डॉ. एम.पी. ठाकरे, प्रशासन अधिष्ठाता डॉ. आर.आर. गिड्डे, मेकॅनिकल इंजिनिअरिंगचे विभागप्रमुख डॉ. एस. बी.भोसले, कॉम्प्यूटर सायन्स अँड इंजिनिअरिंगच्या विभागप्रमुख डॉ. एस. पी. पवार, इंटर्नल क्वालिटी अशुरन्स सेलचे समन्वयक डॉ. एस. एस. वांगीकर, एम.बी.ए. चे विभागप्रमुख डॉ.कमल गलानी, सर्व अधिष्ठाता, स्वेरी अंतर्गत असलेल्या चारही महाविद्यालयांतील प्राध्यापक वर्ग आणि शिक्षकेतर कर्मचारी उपस्थित होते.