लाईफलाईन सुपरस्पेशालिटी हॉस्पिटलमध्ये अद्ययावत नेत्र विभागाचा शुभारंभ

पंढरपूर शहर व तालुक्यातील रुग्णांसाठी आरोग्याची वरदायीनी म्हणून समजले जाणारे पंढरपूरचे लाईफलाईन सुपरस्पेशलिटी हॉस्पिटल येथे नेत्र रुग्णांसाठी अद्ययावत मशनरी युक्त प्रसिद्ध नेत्ररोग तज्ञ डॉक्टर विश्वजीत रमेशराव देशमुख हे रुग्णांवर उपचार करण्यासाठी दाखल झाले असून आज त्यांच्या नेत्ररोग विभागाचा शुभारंभ सौ.शुभांगी व श्री रमेशराव माणिकराव देशमुख यांच्या शुभहस्ते करण्यात आला.

सदर शुभारंभ प्रसंगी प्रमुख पाहुणे म्हणून सोलापूर जिल्ह्याचे माजी आमदार प्रशांत परिचारक, सांगोल्याचे माजी आमदार शहाजी बापू पाटील, आमदार समाधान आवताडे,आमदार अभिजीत पाटील, आमदार बाबासाहेब देशमुख, चेअरमन कल्याणराव काळे,माजी चेअरमन भगिरथदादा भालके यांच्या प्रमुख उपस्थितीत संपन्न झाला. 

याप्रसंगी जयसिंग नाना देशमुख, वसंतनाना देशमुख, चंद्रकांतकाका देशमुख, सुरेश देशमुख, प्रशांत भैया देशमुख, 

डॉ. सौ. मंजुषा संजय देशमुख , डॉ .संजय देशमुख, डॉ .वायकुळे, डॉ. कुलदीप कोलपकवार, डॉ.अमरसिंह जमदाडे, डॉ. अमितकुमार आसबे, उपजिल्हा रुग्णालयाचे डॉ. दिपक धोत्रे यांचेसह कासेगाव, पंढरपूर येथील विविध क्षेत्रातील मान्यवर उपस्थित होते.

यावेळी बोलताना माजी आमदार प्रशांतराव परिचारक व माजी आमदार शहाजीबापु पाटील यांनी शुभेच्छा दिल्या. तर नेत्ररोग तज्ञ डॉ. विश्वजित देशमुख यांनी रुग्णांसाठी मोलाची माहिती दिली. कार्यक्रमाच्या शेवटी डॉ. संजय देशमुख यांनी सर्वांचे आभार मानले.

डोळ्यांच्या सर्व आजारासाठी या ठिकाणी उपचार केले जाणार असून नेत्र रुग्णांनी उपचारासाठी भेट द्यावी असे आवाहनही यावेळी करण्यात आले.