धाडसी कार्यगौरव! गोपाळपूरच्या अभिजित गुरव यांना पोलिस पदक प्रदान

Anchor -सोलापूर जिल्ह्यातील पंढरपूर तालुक्यातील गोपाळपूर गावचा सुपुत्र, अभिजित गुरव (IPS), वरिष्ठ पोलीस अधीक्षक, तिनसुकिया (आसाम) यांना १५ ऑगस्ट २०२५ रोजी स्वातंत्र्य दिनानिमित्त "पोलिस पदक – शौर्य" (Police Medal for Gallantry) प्रदान करण्यात येत आहे.

अभिजित गुरव यांनी २०१४ साली UPSC द्वारे IPS पद मिळवून आसाम–मेघालय कॅडरमध्ये सेवा सुरू केली. त्यांच्या कारकीर्दीत त्यांनी धुबरी आणि तिनसुकिया जिल्ह्यांमध्ये SP म्हणून काम करताना अनेक आव्हानात्मक परिस्थिती यशस्वीरीत्या हाताळल्या. एका घटनेत, एका अल्पवयीन मुलीविरुद्ध झालेले लैंगिक अत्याचार हळूहळू FIR शिवाय निष्पादित होण्याची शक्यता वर्तवली गेली होती. SP गुरव यांनी त्वरित विभागीय चौकशी (departmental inquiry) सुरू केली, संबंधित पोलीस अधिकारी निलंबित केले आणि आरोपीला अटक करण्यात आली. या निर्णयाकडे त्यांनी स्पष्टपणे जबाबदारीची भावना दाखवली.

अलीकडील काळात अभिजित गुरव यांच्या नेतृत्वाखाली, अतिशय प्रतिकूल परिस्थितीत – अंधार, मुसळधार पाऊस आणि कठीण भौगोलिक अडथळ्यांमध्ये – दहशतवादी संघटनेविरुद्ध यशस्वी मोहीम राबविण्यात आली. या मोहिमेत दहशतवादी संघटनेच्या एका प्रमुख नेत्याचा अंत करण्यात यश आले. संपूर्ण ऑपरेशनचे यश हे अभिजित गुरव यांच्या काटेकोर नियोजन, धोरणात्मक दृष्टिकोन आणि न डगमगणाऱ्या शौर्यावर आधारित होते.

अभिजित गुरव यांनी नेहमीच भ्रष्टाचारमुक्त कार्यप्रणाली, कायदा व सुव्यवस्थेचे काटेकोर पालन आणि लोकांच्या सुरक्षिततेला प्राधान्य दिले आहे. त्यांचे कार्य हे केवळ पोलिस दलासाठीच नव्हे तर तरुण पिढीसाठी एक प्रेरणादायी उदाहरण आहे.

त्यांच्या या यशामुळे गोपालपूर गाव, पंढरपूर तालुका आणि संपूर्ण सोलापूर जिल्ह्याचा मान उंचावला आहे, तसेच संपूर्ण भारत देशाचा अभिमान वाढवला आहे.