🛑*पेपरफुटी विरोधातील आंदोलन दडपण्याचा मोदी सरकारचा प्रयत्न;* 👉 *विरोधी पक्षनेते राहुल गांधी, खासदार प्रणिती शिंदे यांच्यासह काँग्रेसच्या शंभर खासदारांना अटक*👉 *पंतप्रधान नरेंद्र मोदी, केंद्रीय गृहमंत्री अमित शहा आणि केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी; विद्यार्थ्यांवरील अन्यायाविरोधात काँग्रेसचा एल्गार*

नवी दिल्ली : देशभरातील पेपरफुटीच्या वाढत्या घटनांमुळे लाखो विद्यार्थ्यांचे भविष्य धोक्यात आले असून, परीक्षा व्यवस्थेवरील विश्वास उडाला आहे. विद्यार्थ्यांच्या मेहनतीची आणि पालकांच्या अपेक्षांची होणारी ही अवहेलना थांबवावी, तसेच पेपरफुटी प्रकरणांची आणि जंतरमंतर येथे विद्यार्थ्यांवर झालेल्या लाठीमार व अश्रुधुराच्या माऱ्याची जबाबदारी स्वीकारून पंतप्रधान नरेंद्र मोदी, केंद्रीय गृहमंत्री अमित शहा आणि केंद्रीय शिक्षणमंत्री धर्मेंद्र प्रधान यांनी राजीनामा द्यावा, या मागणीसाठी काँग्रेसने पंतप्रधान नरेंद्र मोदी यांच्या निवासस्थानाबाहेर जोरदार आंदोलन केले.

या आंदोलनाचे नेतृत्व लोकसभेतील विरोधी पक्षनेते राहुल गांधी यांनी केले. काँग्रेस अध्यक्ष मल्लिकार्जुन खरगे, प्रियंका गांधी, सोलापूर लोकसभा मतदारसंघाच्या खासदार प्रणिती शिंदे यांच्यासह काँग्रेसच्या जवळपास शंभर खासदारांनी विद्यार्थ्यांच्या न्यायासाठी ठामपणे आवाज उठवला. मात्र, विद्यार्थ्यांच्या प्रश्नांना उत्तर देण्याऐवजी मोदी सरकारने दडपशाहीचा मार्ग स्वीकारत राहुल गांधी, खासदार प्रणिती शिंदे आणि काँग्रेसच्या इतर खासदारांना पोलिसांमार्फत ताब्यात घेतले.

NEET सह विविध परीक्षांमधील पेपरफुटीच्या घटनांमुळे देशातील कोट्यवधी विद्यार्थ्यांच्या मेहनतीवर अन्याय झाला आहे. वारंवार होणाऱ्या पेपरफुटीच्या घटनांमुळे लाखो विद्यार्थी भविष्याच्या चिंतेत आहेत, तर पालक संभ्रमात आहेत. या गंभीर प्रश्नावर केंद्र सरकार अपयशी ठरले असून, शिक्षण व्यवस्थेतील या अपयशाची नैतिक जबाबदारी स्वीकारून केंद्रीय शिक्षणमंत्री धर्मेंद्र प्रधान यांनी तात्काळ राजीनामा द्यावा, अशी मागणी विरोधी पक्षनेते राहुलजी गांधी यांनी केली आहे.

पेपरफुटीच्या घटनांमुळे अनेक विद्यार्थ्यांचे मानसिक खच्चीकरण झाले असून, काही विद्यार्थ्यांनी टोकाचे पाऊल उचलले आहे. विद्यार्थ्यांच्या भवितव्याशी खेळणाऱ्या सरकारने या घटनांची नैतिक जबाबदारी स्वीकारून जनतेला उत्तर द्यावे, अशी मागणीही करण्यात आली.

आंदोलनादरम्यान राहुल गांधी यांनी सरकारच्या दडपशाहीवर तीव्र शब्दांत टीका केली. “तुरुंगाची भीती दाखवू नका. आम्ही तुरुंगात जाण्याला किंवा बंदुकीच्या गोळ्यांना घाबरत नाही. सरकार विद्यार्थ्यांच्या प्रश्नांपासून पळू शकत नाही. आमच्या मुलांवर झालेल्या अन्यायाचा हिशोब सरकारला द्यावाच लागेल,” असा निर्धार त्यांनी व्यक्त केला.

“सरकारकडे लाठ्या, काठ्या आणि बंदुकीची ताकद असू शकते; मात्र देशातील तरुणांकडे जोश, धैर्य आणि संविधानावर अढळ विश्वास आहे. अटक करून आवाज दाबता येत नाही आणि लाठीमाराने तरुणांचे हौसले मोडता येत नाहीत,” असा संदेशही देण्यात आला.

जंतरमंतर येथे शांततापूर्ण आंदोलन करणाऱ्या विद्यार्थी आणि आंदोलकांवर पोलिसांनी लाठीमार आणि अश्रुधुराचा वापर केल्याचा काँग्रेस पक्षाच्या वतीने विरोधी पक्षनेते राहुलजी गांधी यांनी तीव्र निषेध केला. या कारवाईत अनेक आंदोलक जखमी झाले. विद्यार्थ्यांच्या हक्कांसाठी आवाज उठवणाऱ्या आंदोलकांवर अशा प्रकारे दडपशाही करणे ही लोकशाहीसाठी अत्यंत गंभीर बाब आहे.

“ज्या हातात देशाचे भविष्य आहे, त्याच हातात बेड्या घातल्या जात आहेत. आवाज उठवणाऱ्यांना अटक केली जात आहे. सरकारला विद्यार्थ्यांच्या प्रश्नांची उत्तरे देता येत नाहीत, म्हणून आंदोलन दडपण्याचा प्रयत्न केला जात आहे,” अशी टीकाही करण्यात आली.

लोकशाहीत सरकारला प्रश्न विचारणे हा गुन्हा नसून, संविधानाने दिलेला अधिकार आहे. मात्र, आज प्रश्न विचारणाऱ्यांवर कारवाई केली जाते आणि उत्तर देण्याऐवजी आवाज दाबण्याचा प्रयत्न केला जात आहे. विरोधी पक्षनेते राहुल गांधी, खासदार प्रणिती शिंदे आणि काँग्रेसच्या इतर खासदारांना ताब्यात घेऊन सरकारने आपली हुकूमशाही वृत्ती दाखवून दिली आहे.

जनतेचा आवाज जितका दाबण्याचा प्रयत्न केला जाईल, तितकाच तो अधिक बुलंद होईल. लोकशाहीत जनता मालक असते, सत्ता नाही. विरोधकांना अटक करून प्रश्न संपत नाहीत; उलट सरकारची दडपशाही जनतेसमोर अधिक स्पष्ट होते.

विद्यार्थ्यांच्या न्यायासाठी राहुल गांधी संसदेतून रस्त्यावर उतरले आहेत. त्यांच्यासोबत काँग्रेसचे खासदार, आमदार आणि देशभरातील कोट्यवधी कार्यकर्ते खंबीरपणे उभे आहेत. राहुल गांधींना अटक करता येईल, पण त्यांच्या आवाजाला अटक करता येणार नाही. आम्हाला तुरुंगात टाकता येईल, पण तरुणांच्या हक्कांसाठीची आमची लढाई तुरुंगात बंद करता येणार नाही.

अन्याय, अत्याचार आणि दडपशाही करणाऱ्या सत्तेसमोर काँग्रेस कधीही झुकणार नाही. संघर्ष, सत्य आणि संविधानाच्या मार्गाने विद्यार्थ्यांच्या हक्कांसाठीची ही लढाई सुरूच राहील.

राष्ट्रपिता महात्मा गांधी, माजी पंतप्रधान स्व. इंदिरा गांधी आणि माजी पंतप्रधान स्व. राजीव गांधी यांच्या त्यागाच्या परंपरेचा वारसा पुढे नेत राहुल गांधी आज देशातील तरुण आणि विद्यार्थ्यांच्या न्यायासाठी खंबीरपणे उभे आहेत. त्यांच्यासोबत खासदार प्रणिती शिंदे यांच्यासह काँग्रेसचे शंभर खासदार, शेकडो आमदार आणि कोट्यवधी कार्यकर्ते विद्यार्थ्यांच्या हक्कांसाठी संघर्ष करत आहेत.

विद्यार्थ्यांच्या प्रश्नांना उत्तर देण्याऐवजी विरोधकांना अटक करून सरकार पळवाट शोधत आहे. पंतप्रधान नरेंद्र मोदी, केंद्रीय गृहमंत्री अमित शहा आणि केंद्रीय शिक्षणमंत्री धर्मेंद्र प्रधान यांनी विद्यार्थ्यांच्या भवितव्याशी झालेल्या अन्यायाची जबाबदारी स्वीकारून राजीनामा द्यावा, अशी मागणी विरोधी पक्षनेते राहुलजी गांधी यांनी केली आहे.

राहुलजी गांधी आणि काँग्रेस पक्ष घाबरणार नाहीत, थांबणार नाहीत; विद्यार्थ्यांच्या न्यायासाठीचा संघर्ष सुरूच राहील! 

▬▬▬ஜ۩(tp)۩ஜ▬▬▬