🛑 एकही पात्र मतदाराचे नाव SIR प्रक्रियेतून कमी होऊ देणार नाही, हा काँग्रेसचा संकल्प : खासदार प्रणिती शिंदे🛑 आम्ही केवळ काँग्रेसचे BLA-2 नाही, तर देशातील प्रत्येक नागरिकाच्या मतदानाच्या अधिकाराचे रक्षण करणारे खरे ‘भारत रक्षक’ आहोत : हनुमंतदादा पवार

पंढरपूर, : पंढरपूर तालुका काँग्रेस कमिटीच्या वतीने सोलापूर लोकसभा मतदारसंघाच्या खासदार प्रणिती शिंदे यांच्या अध्यक्षतेखाली आणि महाराष्ट्र प्रदेश काँग्रेस कमिटीचे प्रवक्ते हनुमंतदादा पवार यांच्या मार्गदर्शनाखाली तालुक्यातील सर्व BLA-2, बूथ प्रमुख, पदाधिकारी आणि कार्यकर्त्यांसाठी विशेष सखोल पुनरिक्षण (SIR) प्रक्रियेबाबत प्रशिक्षण व मार्गदर्शन कार्यशाळेचे आयोजन करण्यात आले.

कार्यशाळेत बोलताना खासदार प्रणिती शिंदे यांनी मतदार नोंदणी प्रक्रिया, नावांमधील दुरुस्त्या, नवीन मतदारांची नोंद, मृत अथवा स्थलांतरित मतदारांची माहिती अद्ययावत करणे, बूथनिहाय मॅपिंग आणि बोगस नावे वगळण्याबाबत सविस्तर मार्गदर्शन केले. प्रत्येक BLA आणि कार्यकर्त्याने आपल्या बूथ परिसरातील नागरिकांशी सातत्यपूर्ण संपर्क ठेवून मतदार यादीतील त्रुटी कमी करण्यासाठी सक्रिय भूमिका बजावावी, असे आवाहन त्यांनी केले.

यावेळी भाजपवर जोरदार टीका करताना खासदार प्रणिती शिंदे म्हणाल्या की, देशात जाती-पातीचे विष पेरून समाजात फूट निर्माण करण्याचे काम भाजप करत आहे. काँग्रेसची विचारसरणी सर्वधर्मसमभाव, संविधान आणि पुरोगामी मूल्यांवर आधारित असून ती संपविण्याचा प्रयत्न सुरू आहे. महात्मा गांधी, पंडित जवाहरलाल नेहरू, महात्मा ज्योतिबा फुले, राजर्षी शाहू महाराज, छत्रपती शिवाजी महाराज आणि डॉ. बाबासाहेब आंबेडकर यांच्या पुरोगामी विचारांवर विश्वास ठेवणाऱ्या मतदारांची नावे मतदार यादीतून कमी करण्याचे षडयंत्र भाजपकडून रचले जात असल्याचा आरोप त्यांनी केला. एकही पात्र मतदाराचे नाव SIR प्रक्रियेतून कमी होऊ देणार नाही, हा काँग्रेसचा संकल्प असून प्रत्येक मतदाराचा घटनात्मक अधिकार सुरक्षित ठेवण्यासाठी पक्षाचा प्रत्येक कार्यकर्ता शेवटपर्यंत लढा देईल, असेही त्यांनी स्पष्ट केले.

यावेळी मार्गदर्शन करताना प्रदेश काँग्रेसचे प्रवक्ते हनुमंतदादा पवार म्हणाले की, काँग्रेसने देशात अनेक संस्था उभारून विचारवंत, अभियंते, डॉक्टर, प्राध्यापक आणि वैज्ञानिक घडविले आहेत. मात्र, भाजपच्या जातीपातीच्या राजकारणामुळे समाजात द्वेष आणि कट्टरता वाढत असून पुरोगामी विचारांना धोका निर्माण झाला आहे. त्यामुळे पुरोगामी विचारांच्या मतदारांचे मतदानाचे हक्क अबाधित ठेवण्यासाठी काँग्रेसच्या प्रत्येक कार्यकर्त्याने सज्ज राहून SIR प्रक्रियेत दक्षता घेणे ही काळाची गरज आहे. आम्ही केवळ काँग्रेसचे BLA-2 नसून, देशातील प्रत्येक नागरिकाच्या मतदानाच्या अधिकाराचे रक्षण करणारे खरे ‘भारत रक्षक’ आहोत. लोकशाही, संविधान आणि मतदानाचा अधिकार सुरक्षित ठेवण्याची ऐतिहासिक जबाबदारी आज काँग्रेसच्या प्रत्येक कार्यकर्त्यावर आहे, असेही त्यांनी सांगितले.

यावेळी जिल्हाध्यक्ष सातलिंग शटगार, तालुका अध्यक्ष संदीप पाटील, शहराध्यक्ष आदित्य फत्तेपूरकर, SIR प्रशिक्षणार्थी डॉ. स्मिता शहापूरकर, रोहिणी धोत्रे, ज्येष्ठ नेते बजरंग बागल, नागेश गंगेकर, किरण घाडगे, जिल्हा समन्वयक मनोज यलगुलवार, दाजीसाहेब देशमुख, माणिक बाबर, सुहास भाळवणकर, अमर सूर्यवंशी, सादिक मुलानी, मिलिंद भोसले, नितीन शिंदे, अशपाकभाई सय्यद, राजू उराडे, महेश अधटराव, विलास रोंगे, विकास नागटिळक, मल्हारी फाळके, पांडुरंग रोंगे, मिलिंद अढवळकर, शिवाजीराव पवार, युवराज मोरे, आप्पासाहेब पुजारी, नानासाहेब देठे, आनंद मदने, देवानंद इरकल यांच्यासह पंढरपूर तालुक्यातील काँग्रेसचे सर्व BLA, बूथ प्रमुख, पदाधिकारी आणि कार्यकर्ते मोठ्या संख्येने उपस्थित होते.

▬▬▬ஜ۩(tp)۩ஜ▬▬▬