पोलीस निरीक्षक विश्वजीत घोडके यांना पोलीस महासंचालक सन्मानचिन्ह जाहीर

पोलीस निरीक्षक विश्वजीत घोडके यांना पोलीस महासंचालक सन्मानचिन्ह जाहीर खाकी वर्दींतील आपलेपणा जपणारा अधिकारी म्हणून ओळख

 (सातारा जिल्हा) संभाजी पुरीगोसावी प्रतिनिधी. सातारा जिल्हा पोलीस दलातील उत्कृंष्ट कामगिरी करणाऱ्या जिल्ह्यातील दोन अधिकारी आणि ९ कर्मचाऱ्यांना २०२३ वर्षासाठी पोलीस महासंचालक सन्मानचिन्ह नुकतेच जाहीर झाले आहे. त्यामुळे सातारा जिल्हा पोलीस दलाचा गौरव चांगलाच वाढला आहे. याबाबत मिळालेल्या माहितीवरुन राज्यांच्या पोलीस महासंचालक रश्मी शुक्ला यांनी २०२३ वर्षातील पोलीस महासंचालक सन्मानचिन्ह जाहीर केली आहेत. यामध्ये सातारा तालुका पोलीस ठाण्याचे आणि सध्या सोलापूर ग्रामीण पोलीस दलात कार्यरत असणारे पोलीस निरीक्षक विश्वजीत घोडके आणि खाकी वर्दींतील आपलेपणा जपणारा अधिकारी म्हणून घोडके यांची महाराष्ट्र पोलीस खात्यात ओळख आहे. पोलीस निरीक्षक विश्वजीत घोडके यांच्यासह सातारा स्थानिक गुन्हे शाखेचे पोलीस निरीक्षक अरुण देवकर यांनाही उत्कृंष्ट कामगिरीबद्दल पोलीस  महासंचालक सन्मानचिन्ह जाहीर करण्यात आली आहेत. तसेच यामध्ये संजय टिळेकर कमलाकर कुंभार भरत शिंदे श्रीधर ठोंबरे आणि नंदकुमार महाडिक या उपनिरीक्षकांनाही हा सन्मान जाहीर करण्यात आला आहे. हवालदार महादेव घाडगे विनोद राजे पोलीस शिपाई बिपीन ढवळे मंगेश जाधव यांचाही समावेश आहे.