*माघ यात्रा; पंढरपूर शहर व वाखरीत मांस, मटण विक्रीस मनाई*

पंढरपूर, दि. 23 :-  माघ शुध्द एकादशी 29 जानेवारी 2026 रोजी असून, माघ यात्रा कालावधी   दि. 23 जानेवारी ते 01 फेब्रुवारी आहे.  या यात्रा कालावधीत शहरात श्री विठ्ठल- रुक्मिणी दर्शनासाठी मोठ्या प्रमाणात भाविक येतात. दिनांक 28 ते 31  जानेवारी  2026 या कालावधीत  पंढरपूर  शहरात तसेच वाखरी  परिसरात  दिनांक 27  ते 31  जानेवारी  2026 या कालावधीत  मांस, मटण, मासे विक्री व प्राणी कत्तल तसेच मांसजन्य पदार्थ विक्री करणे यावर बंदी घालण्यात आल्याचे आदेश उपविभागीय दंडाधिकारी सचिन इथापे यांनी निर्गमित केले आहेत.

भारतीय नागरिक सुरक्षा संहिता 2023 चे कलम 163 अन्वये  प्रदान करण्यात आलेल्या शक्तीचा वापर करुन  उपविभागीय दंडाधिकारी श्री.इथापे यांनी   पंढरपूर  शहरातील तसेच वाखरी  परिसरात  मांस, मटण, मासे विक्री व प्राणी कत्तल तसेच मांसजन्य पदार्थ विक्री करणे यावर  बंदी घालण्यात आली आहे.