न्यु सातारा कॉलेजमध्ये मेकॅनिकल विभागाचा पालक मेळावा उत्साहात संपन्न.

न्यु सातारा महाविद्यालयात पालक मेळावा उत्साहात पार पडला. या कार्यक्रमासाठी महाविद्यालयाचे प्राचार्य, शिक्षकवर्ग तसेच विद्यार्थ्यांचे पालक मोठ्या संख्येने उपस्थित होते. या कार्यक्रमाचे प्रमुख पाहुणे म्हणून महाविद्यालयाचे प्राचार्य विक्रम लोंढे उपस्थित होते.

या कार्यक्रमात विद्यार्थ्यांच्या शैक्षणिक प्रगतीबाबत चर्चा करण्यात आली. मेकॅनिकल विभागाचा मागील तीन वर्षाचा आढावा या कार्यक्रमात सादर करण्यात आला.तसेच विद्यार्थ्यांच्या सर्वांगीण विकासासाठी राबविण्यात येणाऱ्या उपक्रमांची माहिती ही मेकॅनिकल विभागाचे हेड मा. नवनाथ हेगडे यांच्याकडून पालकांना देण्यात आली.

यावेळी प्राचार्यांनी  विद्यार्थ्यांच्या शैक्षणिक प्रगतीबरोबरच त्यांच्या चारित्र्य विकासाचे महत्त्व अधोरेखित केले. विद्यार्थ्यांच्या उज्ज्वल भविष्यासाठी पालक आणि शिक्षक यांचा परस्पर संवाद आवश्यक असल्याचे त्यांनी स्पष्ट केले. महाविद्यालयाचे उपप्राचार्य विशाल बाड यांनीही यावेळी आपले मनोगत व्यक्त केले. त्याचप्रमाणे विद्यार्थ्यांची भाषणेही यावेळी झाली. तसेच

पालकांनीही आपले विचार मांडून महाविद्यालयाच्या उपक्रमांना पाठिंबा दर्शविला.

पालकांच्या उपस्थितीमुळे मेळाव्याला उत्साही वातावरण लाभले. पालकांनाही यावेळी स्नेहभोजन देण्यात आले.अखेरीस प्राध्यापक विक्रम माळी यांच्याकडून आभारप्रदर्शन करून मेळाव्याची सांगता करण्यात आली.