❤️ नशा प्रेमाची!✍️
💖 नशा फक्त दारूतच नसते… 💖
नशा प्रेमाचीही असते!
फरक एवढाच असतो,
दारूच्या नशेत माणूस बडबडतो,
आणि प्रेमाच्या नशेत…
माणूस तडफडतो..! ❤️🩹
या ओळी फक्त शब्द नाहीत; त्या माणसाच्या मनात दडलेल्या एका खोल जखमेचं प्रतिबिंब आहेत.
दारूची नशा क्षणिक असते. ती चढते, काही काळ भान हरपवते आणि उतरल्यावर माणूस पुन्हा वास्तवात येतो. पण प्रेमाची नशा मात्र मनात खोलवर रुजते, श्वासात मिसळते आणि आयुष्यभर कुठेतरी सोबत राहते.
दारू पिल्यावर माणूस बोलतो, हसतो, कधी रडतोही… पण मनातलं बरंच काही बाहेर पडतं. प्रेमात मात्र न बोललेले शब्द, अपूर्ण राहिलेल्या इच्छा आणि न मिळालेलं माणूस—हे सगळं मनाच्या एका कोपऱ्यात साचत जातं.
म्हणूनच प्रेमाच्या नशेत माणूस बडबडत नाही…
तो तडफडतो!
प्रेम खरं असेल तर त्याची नशा सुख देते; पण प्रेम एकतर्फी किंवा अपूर्ण असेल, तर तीच नशा हळूहळू वेदनेत बदलते.
समोरची व्यक्ती हसताना दिसली तरी मनात प्रश्नांचा गोंधळ सुरू होतो—
“आपण कमी पडलो का?”
“आपलं प्रेम अपुरं होतं का?”
“आपल्याकडून नेमकं काय चुकलं?”
या प्रश्नांची उत्तरं अनेकदा मिळत नाहीत… आणि मग मनाची तडफड आणखी वाढत जाते.
दारूची नशा उतरली की माणूस पुन्हा सामान्य होतो; पण प्रेमाची नशा उतरली तरी आठवणी मात्र सहज उतरत नाहीत.
त्या एखाद्या गाण्यातून पुन्हा जाग्या होतात…
एखाद्या पावसाच्या सरीत पुन्हा भिजतात…
एखाद्या शांत रात्री पुन्हा मनात डोकावतात…
आणि तेव्हा जाणवतं—
प्रेम ही केवळ सवय नसते…
ती एक नशा असते!
जी सुटली तरी,
तिचा झुरका मात्र आयुष्यभर मनात राहतो… ❤️🩹💖
व्ही. व्ही. ✍️
9767473727 / 9768473727
🌹 ❤️✍️
0 Comments